BUTUAN CITY – Tungod lang sa grabeng pagpanelos, na-ako sa usa ka amahan ang pagtigbas-patay sa iyang anak didto sa Sitio Intalwan, Barangay Tikalaan, lalawigan sa Bukidnon kagahapon , Abril 15.
Migawas sa inisyal nga imbestigasyon sa ginsakpan sa Talakag Municipal Police Station nga mingitngit matud pa ang panan-aw sa wala pa panganling responsable dihang nakigbulag kaniya ang iyang ka-ipon.
Milakaw matud pa og makadiyot ang inahan sa bata nga gibilin ra niya sa balay ka-uban ang amahan rason nga wala’y nakabaraw sa dautang huna-huna sa responsable dayoong tigbas sa bata.
Gisulayan pa niya paghunos ang iyang kinabuhi pinaagi sa pagluba sa iyang kaugalingon apan wala kini na-intimano rason nga nakalingkawas gikan sa tinong kamatayon human nadala sa ospital.
Igo na lang sa pagdangoy-ngoy ang inahan sa bata dihang na-abtan niya kining wala na’y kinabuhi ug gihata karon sa ilang panimalay.
