BUTUAN CITY – Gihatud na ngadto sa iyang pinuy-anan sa Purok 7, Brgy, San Jose, lungsod sa Talisayan, Misamis Oriental ang patay’ng lawas sa usa sa lima ka mga Philippine Drug Enforcement Agency kon PDEA nga gibanhigan-patay didto sa Brgy Malna Kapai Lanao Del Sur.
Kini human ang paghidangat sa patay’ng lawas ni Diobel Pacinio, 29-anyos, minyo, lumad nga taga-Nasipit, Agusan del Norte, kaganinang alas-2:20 sa hapon sa Bancasi Airport ning siyudad.
Gisulod ang patay’ng lawas niini sa usa ka metal casket nga gikarga sa usa ka Fokker plane sa Philippine Airforce kansa mibiya sa Awang Airport sa Cotabato City kaganinang ala-1:30 sa hapon.
Sigon ni Dindo Abellanosa – tigpamaba sa PDEA-Caragasa eksklusibong pakighinabi sa Bombo Radyo Butuan, kanhi nila ka-ubanan si Pacinio hangtud nga gi-assign sa Autonomous Region for Muslim Mindanao kon ARMM og karon lima ka tuig na sa pagserbisyo.
Mahinumdumang apil sa mga namatay sila sila Vencio Ardepolla sa Davao City, Laurice Joy Amar sa Isulan, Sultan Kudarat, Kenneth Capuno sa Laguna City, ug Khristine Mae Torlao, residente sa Lupon, Davao del Oriental. (Beth Ruiz)
