-- ADVERTISEMENT --
BUTUAN CITY – Padayon pang gi-ila ang identity sa usa ka patay’ng lawas sa rebelde nga nakalas atol sa engkuwentro tali sa tropa sa gobyerno ug New People’s Army kon NPA kagahapon sa alas 4:00 sa buntag sa may bukirang bahin sa Barangay Mabuhay, Prosperidad, Agusan del Sur.
Sa impormasyong nakuha ning sibyahan, nagpatrolya ang kasundaluhang sakop sa 9th Special Forces, Philippine Army sa maong dapit sa dihang naka-agbat ang dili mominos sa 10 ka miyembro sa Guerilla Front Committee 19-A sa NPA.
Milungtas sa 30 minutos ang pagbinaylo-ay ug ting-ga nga miresulta sa kamatayon sa usa ka rebelde.
Lakip sa nakumpiska sa posisyon sa kalaban ang usa ka unit sa AK47 rifle, 7 ka magazine ug bala, usa ka bandoler ug personal nga mga gamit. (Beth Ruiz)
