BUTUAN CITY – Patay ang drayber sa Cebu Electric Cooperative, Inc kon CEBECO samtang angol ang tulo niya ka mga ka-uban human nahulog sa pangpang ang ilang gisakyang jeep sa Brgy Lanao, lungsod sa Asturias, lalawigan sa Cebu kagahapon.
Na-ila ang namatay nga si Jefferson Alloso, 37-anyos, residente sa Brgy. Luray Toledo City samtang ang mga na-angol na-ilang sila Bryan Villahermosa, 29-anyos; Christian Gentapa, 33-anyos ug Arnel Arnaiz.
Migawas sa imbestigasyon nga mi-adto a maong lugar ang mga sakop sa maong distribution utility company tungod kay nawad-an sila og linya sa kuryente apan tungod sa kadanlog nga dalan, nawad-an og kontrol ang drayber hinungdan sa pagkahulog nila sa pangpang.
Gidala pa sa balay-tambalanan ang mga biktima apan gideklarang dead-on-arrival sa attending physician si Alloso.
