BUTUAN CITY – Misangpot sa kamatayon sa usa ka babaye samtang duha ang angol sa natigayong ngilngig nga disgrasya kaganinang alas 5:40 sa hapon sa may Purok-8, Barangay Los Angeles ning siyudad sa Butuan.
Nasayran nga gikan sa Cabadbaran city ang puting kotse nga nagtangag sa plaka numero NEB 1606 og gimanehuan ni John Mark Tuyor, trabahante sa Globe nga taga Barangay 10, Buenavista, Agusan Del Norte og mi-overtake agi sa outerlane rasong na-sidesweepan niini ang single motor nga naka-parking lang sa kilid.
Nadumbulan niini ang de-pasaheroang multicab rasong nababag ang multicab adiser usab nabang-gaan sa kasugat nga itom nga kotse nga gimanehuan sa usa ka babaye.
Tungod sa kakusog sa pagkabangga, nabungkag ang multicab nga miresulta sa kamatayon sa usa ka Jinky Pornes nga naglingkod sa atubangan sa multicab samtang daling gidala sa balay tambalanan ang driver nga bana niini nga si Jun Pornes nga taga Barangay Taguibo, Butuan City g usa ka pasahero nga nailang si Randy Pagalan, taga Barangay Sto. Niño ning siyudad sa Butuan.
Samtang grabeng gubaa usab ang duha ka kotse apan anaa ra sa luwas nga kondisyon ang mga drayber niini.
