BUTUAN CITY – Mikalas ug usa ka kinabuhi samtang usa ang angol ang panagsungag sa duha ka sakyanan kaganinang alas 8:30 sa buntag sa may Purok-1, Barangay Salvacion sakop ning siyudad sa Butuan.
Sa detalying nakuha gikan sa Butuan City Police Station kon BCPS-4, ginasubay sa usa ka single motor ang dalan gikan sa Barangay Salvacion padulong unta dinhe sa siyudad apan pag-abot sa nahitaboan, nawad-an kini ug brake hinungdang mibangga sa kasugat nga panel sa ilimnon.
Tungod sa kakusog sa panag-bangga, wala na maka-abot sa Butuan City Medical Center ang drayber sa single motor nga si Angelo Dumalaga Sarsale, hingkod ang panuigon nga taga Purok-20, Barangay Maginda, Butuan City samtang padayon pang gitambalan ang igsoon niining back rider nga si Rolando Sarsale, 57-anyos nga residente usab sa maong dapit.
Nasayran nga walay soot nga helmet ang nasangpit nag mga biktima.
Misurender usab ang drayber nga si Rogelio Salami, 56-anyos, menyu nga taga Purok-8, Barangay Limaha ning siyudad ngadto sa kapulisan apil na ang sakyanan nga dunay plaka numero ZBZ 194.
