BUTUAN CITY – Padayon pang gi-ila sa mga otoridad ang usa ka rebeldeng New People’s Army kon NPA nga napatay human ang engkwentro tali sa mga sakop sa 75th Infantry Battalion, Philippine Army nga ubos sa operational control sa 401st Brigade, diddto sa hilit nga lugar sa Sitio Montenegren, Brgy San Isidro, Marihatag, Surigao del Sur ning mi-aging alas-11:35 sa sayong udto.
Gibana-banang 20 ka mga rebeldeng NPA ang na-engkwetro sa tropa sa gobyerno human sila nagsabwag og kagubot ug nangilkil matud pa sa nasangpit nga lugar kondiin milungtad og napulo ka minutos ang engkwentro adiser nanibat ang mga rebelde biniyaan ang ilang nakalas nga ka-ubanan nga padayon pang gi-ila.
Narekober sa kasundaluhan sa encounter site ang unom ka mga high powered firearms nga gilangkuban sa duha ka mga M16 rifles, duha ka AK 47 rifles, ug tag-usa ka M653 rifle ug M203 grenade launcher apilna ang ubang mga war materials sama sa 16 ka mga tents, 7 ka mga backpacks, 3 ka commercial radios, usa ka GPS, Improvised Explosive Device Paraphernalia ug mga dokumentong duna’y high intelligence value.
Alayon niini, gibutyag ni 401st Brigade Commander Col Rommel Almaria nga ubay-ubay pa ang gitu-uhan nilang angol tungod sa mga lama sa dugo sa dalan nga gi-agian sa mga rebelde sa ilang pagsibat.
