-- ADVERTISEMENT --
BUTUAN CITY – Patay ang usa ka lider sa Communist Terrorist Group (CTG) human ang mubo lamang nga engkwentro tali sa tropa sa 8th Infantry “Dependable” Battalion, Philippine Army ug sa mga sakop sa North Central Mindanao Regional Committee (NCMRC).
Natigayon ang maong engkwentro sa hilit nga dapit sa Sitio Tacocon, Kasapa II, lungsod sa La Paz, Agusan del Sur.
Narekober usab sa mga otoridad ang usa ka high-powered firearm gikan sa nahibu-an sa engkwentro human misibat ang ubang mga sakop sa CTG.
Sa pagkakaron, padayon ang pag-monitor sa kasundalohan sa palibot aron masiguro ang kalinaw sa maong komunidad.
