BUTUAN CITY – Patay ang usa ka tulisan samtang nakasibat ang laing usa sa gilusad nga hot pursuit operation sa kapulisan sa San Francisco Agusan del Sur human sila nanulis sa usa ka gasoline station sa may Brgy. Hubang kagahapon sa alas-4:30 sa kaadlawon.
Base sa inisyal nga imbestigasyon sa kapulisan, nagpatubil matud pa ang wala mailang mga suspetsado nga gihangyo pa sa gasoline boy nga hubuon ang helmet isip pagsunod sa ilang protocol.
Dinhi na mideklara og tulis ang duha kondiin ila gilayong gi-adto ang cashier booth apan wala’y nakuhang kwarta rason nga ang nakit-ang cell phone na lang ang gidala sa ilang pagsibat.
Daling nakig-alayon ang ilang kapulisan ngadto sa ilang mga ka-ubanan sa lungsod sa Prosperidad rason sa gilusad nga checkpoint kondiin milabay lang ang mga suspetsado sa may Purok 21, Brgy. Poblacion.
Dinhi na sila gipusil sa mga pulis nga miresulta sa pagkahulog sa usa uban sa natumbang motorsiklo samtang misibat pa ang laing usa. Wala na naka-abot pang buhi sa ospital ang suspetsadong padayon pang gi-ila ang identity.
Narekober sa crime ang duha ka cell phones, usa ka .45 nga kalibreng pistola nga duna’y usa ka magazine ug duna’y upat ka mga buhing bala.
