BUTUAN CITY – Gitaho sa 26th Infantry Battalion, Philippine Army nga mitala og usa ka rebelding NEw People’s Army ang namatay human ang natigayon nilang engkuwentro sa bukirang bahin sa Sitio Sagabalan, Barangay Guibonon, Esperanza, Agusan del Sur kagahapong adlawa.
Una nang gisumbong ngadto kanila ang presensiya sa armadong kalalakin-an nga gitoohang miyembro sa Headquarters Force NEO/Sub-Section Guerilla Unit sa North Central Mindanao Regional Committee rasong gelayon nga gilusad ang focused military operation nga miresulta sa engkuwentro.
Sa nahimong pamahayag ni Lt. Col Sandy R Majarocon, Commanding Officer sa 26IB nga natigayon ang enguwentro tungod sa paspas nga paghatag og impormasyon ug aksiyon sa mga sundalo.
Giila niini ang Alpha Company sa malampusong operasyon samtang gipanawagan ang mga nahabilin pang rebelde nga magsurender na og magpakabuhing malinawon kauban ang ilang minahal sa kinabuhi.
Daghang mga benipisyo og serbisyu gikan ang gobyerno ang nagpaabot pinaagi saEnhanced Comprehensive Local Integration Program kon E-CLIP.
