BUTUAN CITY – Usa ka patay’ng lawas sa rebeldeng New People’s Army kon NPA apil ang tulo ka mga high-powered firearms ang na-rekober sa gibiyaang hideout sa maong grupo h uman ang 15-minutos nga engkwentro didto sa bukirang bahin sa Sitio San Jose, Barangay Durian, Las Nieves, lalawigan sa Agusan del Norte.
Sigon ni Lt. Col. Francisco Molina Jr., commanding officer sa 23rd Infantry Battalion, Philippine Army, nagsugod ang engkwentro pasado alas- 8:05 d sa buntag human girespondihan sa tropa sa 23rd Infantry Battalion ang sumbong sa mga residente kalabot sa nahimutangan sa walhong grupo.
Gibana-banang 40 ka mga sakop sa SDG CAOCAO, GF4A, North Central Mindanao Regional Command (NCMRC) ang ilang na-engkwentro ilawom sa liderato ni Eddie Mangubat kinsa naila sa alyas nga “Weds.”
Nagkatibulaag ang mga rebelde hangtud nga na-ilog sa kasundaluhan ang ilang gikutaan diin narekober nila ang patay usa ka nang rebelde uban sa usa ka AK-47 rifle, duha ka M16 rifles, upat ka mga Laptops, usa ka generator set, 21 ka mga backpacks, duha ka sakong bugas rice, mga food ug medicine supplies, mga subersibong dokumento ug mga personal nga kagamitan.
Gitu-uhang duna’y na-igo sa nanibat nga mga rebelde tungod sa mga kama sa dugo sa ilang withdrawal route.
Gi-turn over na ngadto sa barangay council sa Brgy. Durian, lungsod sa Las Nieves, Agusan del Norte ang patay’ng lawas sa usa ka rebedeng New People’s Army kon NPA alang sa pag-ila ug tukmang disposisyon niini.
