BUTUAN CITY-Patay ang usa ka lider sa teroristang grupo sa New People’s Army o NPA human ang nahitabong engkwentro sa mga tropa tali na sa 30th Infantry (Fight On) Battalion, Philippine Army sa bukiring bahin sa Barangay Alipao, Alegria, Surigao del Norte. Naila lamang sa alyas nga “Wolf’ nga taga-KM 8 Brgy Bolhoon, Surigao del Sur nga kasamtangang wala pa maila ang tinuod nga pangalan.
Nasayrang kini an gang eksperto sa ordinansya sa tibuok Guerilla Front 16 nga siyang tagamugna og illegal nga Improvise Explosive Device (IED) nga dugay ng gibawal sa Geneva Convention ug IHL .
Kini usab ang full time member sa Sub-Regional Committee ug kanhi lider sa Sandatahang Yunit Pangpropaganda (SYP) 16C ug 16B ng GF16, North Eastern Mindanao Regional Committee.
Milungtad og halos 1 ka oras ang engkwentro nga gikamatay ni Alyas Wolf ug nakuha ang tag-as nga klase sa armas sama sa usa ka M16 Rifle, (1) AK47 Rifle ug 1 ka AR15 Rifle ug uban pang butang sama sa (1) Rifle Grenade, (1) Anti-Personnel Mine, (1) Baofeng radio, ug ubang klase sa suplay sa tambal, (1) BP Apparatus, (2) Magazines sa AK47, (3) ka Magazines sa M16, (5) ka Poncho tents, (2) ka mga duyan, (2) pares sa rainboots, ug uban pa.
Samtang gilayong gidala ang patayng lawas niini sa duol nga punerarya sa Alegria aron mahatagan og tarong nga lubong sa pamilya sa sa Surigao del Sur.
