BUTUAN CITY – Patay ang usa ka Chinese National, samtang angol ang usa niini ka kababayan human aksidenteng nahugno ang tunnel sa CEROM Mining sa Purok 7 Pirada, Brgy. Del Pilar, Cabadbaran City sakop sa Agusan del Norte ning mi-aging alas-12:50 sa hapon.
Dead-on-arrival ang biktimang si Huang Hueyuan, 52-anyos, samtang angol usab ang ka-ubanan niining si Wang Wendou, 57 anyos, parehong minyo ug miner consultant sa SATO Company ug pulos nagpuyo sa Purok 8, Barangay Mabini sa maong siyudad.
Migawas sa imbestigasyon sa Cabadbaran City Police Station ngadto sa kauban sa mga biktima nga si Liang Bin, 44 anyos, minyo, nagpuyo sa Block 3, North Town 2, Barangay Libertad, Butuan City nga naghimo sila ug timber inspection sulod sa tunnel dihang kalit lang nga duna’y midahunog nga gisundan na sa pagkahugno sa tunnel.
