BUTUAN CITY – Malampusong nakapauli sa ilang tagsa-tagsa ka lugar dinhe sa Caraga ang muabot sa 1,342 ka locally stranded individuals kon LSIs human na-estranded sa Luzon og Visayas sa halos unom ka bulan tungod sa pagpatuman sa community quarantine.
Kaganina sa dihang midunggo sa pantalan sa Nasipit, Agusan Del Norte ang barkong gisakyan sa mga LSIs kansa mao ang ikaduhang hugna nga naka-apil sa First batch sa Hatid Tulong Program sa gobyerno.
Ang nangabot nga indibidwal gipailalom sa estriktong health protocols adiser ibiyahe ngadto sa ilang tagsa-tagsa ka lugar ning rehiyon. Lakip sa nagkugi sa pagdawat sa mga LSIs ang gobyernong buhatan sama sa DSWD, DOH, DILG, OCD, PNP, og LTFRB.
Alayon niini hilabihan ang pasalamat sa LSIs sama na lamang sa Surigaonon nga si Anania Estrada kansa mibakasyon lang sa Manila sa dihang na-estranded.
Sumala pa ni Estrada nga nahatagan og bili ang ilang paghulat sa libreng biyahe nga gihanyag sa maong programa tungod kay dili lang ang pamasahe ang gitubag sa gobyerni kundi lakip na ang paghatag sa uban pang assistance atol og human sa biyahe.
Susamang pasalamat usab ang nabungat ni Mildred Pamaroma nga taga Esperanza, Agusan del Sur kansa estranded sa Manila.
Kini tungod kay gawas nga nahatagan siya og opurtunidad nga makapauli, nadawat usab kini og tabang sama sa cash assistance og food packs.
