Sikat karon sa Japan ang mga pa-abangan nga mga lola alang niadtung gustong dunay maka-uban sa kinabuhi nga mga hamtung.
Ang OK Grandma Service, nag-offer og mga pinasahi nga serbisyo bugti sa kantidad nga 1,300-pisos matag oras.
Lakip sa mga gina-offer sa maong mga senior citizens nga nag-edad og 60 ngadto sa 90 anyos mao ang pagtambag, pag tabang sa mga lihokon sa balay, pag-uban sa laag, lakip na usab ang pag-pangayo og pasaylo alang sa mga tawong ilang nasad-an, ingon man pag-resign sa trabaho, o kaha suporta panahon sa kasakit sa kasing-kasing.
Subay sa mga senior, ang ilang serbisyo, alang lamang niadtong dili na gustong mahasul sa kinabuhi, ug alang niadtung mga nag-ampo nga unta, anaa pa sa ilang kiliran ang ilahang inahan og apohan aron mo-agak kanila sa kinabuhi.
