BUTUAN CITY – Gibana-banang mu-abot sa ₱600,000.00 ang inisyal nga damyos human gilamoy sa kalayo ang duha ka balay sa natigayong sunog sa may Brgy. Pangabugan ning siyudad sa Butuan pasado alas-9:00 kagabii.
Sa eksklusibong pakighinabi sa Bombo Radyo Butuan, gibutyag ni acting City Fire Marshal Fire Sr Insp. Ronald Vasquez, sa Butuan City Central Fire Station, naggikan matud pa ang mi-ulbong kalayo sa kusina sa pinuy-anan ni Maribel Ato kansa daling mikaylap apan gisuta pa ang ugat-hinungdan sa pag-ulbo niini kansa nadeklarang fire out pasado alas-10:22 na sa gabii.
Alayon niini, nanawagan ang opisyal ngadto sa tanan nga mag-amping sa kanunay og siguruhong palong ang tanang gamit sa balay ilabina sa kusina nga posibleng mahimong sinugdanan sa kalayo.
