BUTUAN CITY – Nagnegatibo na sa follow-up test ang unang COVID-19 patient ning rehiyon sa Caraga base na sa gipagawas nga resulta sa Southern Philippines Medical Center uban sa lain pang upat ka mga ‘Patients Under investigation’ kon PUIs.
Apan giklaro ni Dr, Jose Llacuna Jr., regional director sa Department of Health kon DOH-Caraga nga dili pa ma-discharge gikan sa ospital ang maong mga PUIs tungod kay kinahanglang masegundahan pa ang laing test nga ilang naagi-an tungod kay magkinahanglan pa man og duha ka negative samples kansa ubanan pa sa paborableng clinical assessment sa ilang attending physician.
Subay sa padayong monitoring sa COVID-19 cases aning rehiyon, gidayeg ni Llacuna ang mga level 2 hospitals ning rehiyon ma-pribado man o pampubliko tungod sa pag-admit na nila og mga COVID-19 patients
Samtang subay sa bag-ong classifications karon sa makamatay nga virus gipadayag sa opisyal nga gihangyo na nila ang mga local government units nga padayon ang himuon nilang monitoring ug pag-report sa madudahan nilang mga PUMs ug PUIs hangtud nga matapos na ang ilang quarantine period.
