BUTUAN CITY – Gisang-at na ang kasong may kalapasan sa RA No. 9165 o mas nailang Comprehensive Dangerous Drugs Act of 2002.batuk sa tulo ka mga suspetsado nga nakuhaan og ilegal nga drogas nga mikantidad sa kapin usa ka milyon ka pesos sa gikasang buybust operation pasado alas 12:20 sa udtu sa may Barangay Taft, Surigao City.
Naila ang mga nadakpan nga sila Bagshit Balangi Hadji Azis, 37-anyos; Najib Tantua Mambuay, 34-anyos; og Juhair Gambo Tantua, 30-anyos nga pulos residente sa Lanao del Sur og nalistang mga high-value individuals.
Nakumpiska gikan sa posisyon sa mga niini ang 8 ka sachet nga dunay sulod sa gitoohang shabu nga mitimbang og 231 gramos og gibana-banang mikantidad sa 1-milyones 571-mil 480 pesos.
Lakipsa nakumpiska ang marked money nga muabot sa 85-mil pesos.
Gikasa ang operasyon sa mga personahe sa Surigao Del Norte Provincial Drug Enforcement Unit, Surigao City Drug Enforcement Unit, Tactical Operation Group, Naval Intelligence and Security Unit -74, Philippine Drug Enforcement Agency 13, 1st Surigao del Norte Provincial Mobile Force Company, Regional Special Operations Group 13, og intelligence operatives sa Philippine Army.
Base sa taho, ang mga suspetsado dunay kutay sa grupo nga nadakpan niadtong Agosto 29, 2023 kansa nakuhaan og 13-milyones pesos nga kantidad sa shabu.
