BUTUAN CITY – Wala na gipaporma pa sa NorthPort Batang Pier ang TNT Tropang Giga sa dula niini kagahapon sa iskor nga 100-95 atul sa nagpadayon nga PBA Commissioner’s Cup.
Nanguna sa kadaugan sa NorthPort ang import nga si Kadeem Jack nga nagtala og 27 puntos ug 11 rebounds samtang duna usay 20 puntos si Joshua Munzon ug 17 puntos usab ang naamot ni Arvin Tolentino, inubabnan sa 11 ka mga rebounds niini.
Unang napanaug sa TNT ang kalamangan niini sa 97-95 sa nabiling 1:43 nalang nga oras dihang napasulod ni Rondae Hollis-Jefferson ang free throws niini.
Apan wala nagpa-piri ang NorthPort dihang way sabod nga napasulod ni Munzon ang three point shot niini taman sa wala na pasagdi pa sa Batang Pier nga mabuhian pa ang maong lamang.
Tungod niini, nasayang ra ang 20 points ni Calvin Oftana ug ang19 points ni Hollis-Jefferson alang sa TNT.
