BUTUAN CITY – Gi-andam na ang kasong ipasaka batuk sa suspetsado sa pagpamusil-patay sa Purok-13, Sta.Monica, Brgy. Bunawan, Agusan Del Sur pasado alas 6:30 sa nakalabay nga gabii.
Kini human misurender ang suspek nga si Mark Betos Legaspo, 22-anyos, ulitawo ug residente usab sa susamang dapit ngadto sa 1303rd Maneuver Company, RMFB-13 nga nakabase sa maong lungsod kagahapon sa alas 2:30 sa hapon.
Sumala ni Police Master Sgt. Ursos, case investigator sa Bunawan MUnicipal Police Station nga gelayon giturn-over ang suspek ngadto sa ilang buhatan. Sigon pa niini nga gi-angkon sa suspek ang maong kremin apan ipailalom pa gihapon kini sa paraffin test aron hingpit nga mahuman ang ilang imbestigasyon.
Samtang padayon usab nga gipanubayan kung asa dapit gilabay sa suspek ang armas nga gigamit sa pagbuhat sa kremin.
Sumala pa ni Police Master Sgt. Ursos nga base sa inisyal nga imbestigasyon, misulong ang biktima nga si Reynante Fernandez Cedeno, 38-anyos, minyo ug residente sa Purok-13, Sta. Monica, Bunawan Brook, Bunawan, Agusan Del Sur ngadto sa panimalay sa suspek human nagselos sa amahan sa suspek human miangkas sa motor ang iyang asawa.
Bitbit sa biktima ang hinanggiban og sa dihang daw moatake na kini, dinhe na gipusil sa makadaghang higayon hinungdan sa iyang kamatayon. Narekober sa dapit nga nahitaboan ang wala ka basyo sa bala nga gitoohang gikan sa kalibre 45 nga pistola.
Sa karun gipaabot sa kapulisan nga muadto sa police station ang amahan sa suspek aron ilang mahinabi lakip na ang asawa sa biktima alang sa pormal nga reklamo.
