BUTUAN CITY – Usa ka tectonic nga linog ang mitay-og sa Surigao City ning adlawa base sa pagkumpirma sa Philippine Institute of Volcanology and Seismology kon Phivolcs.
Base sa ilang bulletin, usa ka 3.2 magnitude nga al inog ang natala kaganinang alas-2:53 sa kaadlawon kansang epicenter nasigpatan sa gilay-ong 17 kilometros sa habagatang kasadpan sa Surigao City, lalawigan sa Surigao del Norte.
Duna kini giladmong 2-kilmetros, kondiin intensity III ang natala sa sentrong bahin sa Surigao City og wala’y tsunami nga gi-isa ang Phivolcs.
Wala usa’y gikatahong damyos o kaha angol ang City og ang Provincial Disaster Risk Reduction and Management Councils subay sa maong linog.
Una niini, kaganinang alas-12:46 sa tungang gabii, usa usab ka 3.8 magnitude nga linog ang natala kansang epicenter nasubay sa gilay-ong 248 kilometros sa habagatang sidlakan sa Sarangani, Davao Occidental province, nga duna usa’y giladmong 32 kilometros. (Beth Ruiz)
