BUTUAN CITY – Misurender na karong hapona sa National Bureau of Investigation Headquarters si Sarah Discaya human sa pamahayag ni Pangulong Ferdinand “Bongbong” Marcos Jr. nga ipadakop dayon siya higayong mugawas ang iyang warrant of arrest karong semanaha, tungod sa iya matud pang pagkalambigit sa anomalya sa mga flood control projects sa nasud.
Si Discaya ug pipila ka Department of Public Works and Highways executives sa Davao Occidental nag-atubang og kaso sa malversation ug falsification of public documents tungod sa usa ka ghost project nga nagkantidad og hapit P100 milyon.
Sumala ni Pangulong Ferdinand “Bongbong” Marcos Jr. , ang kompanya sa Discaya nagsubmite og peke nga ebidensya sa progreso sa trabaho.
Si Discaya ug ang iyang bana nga si Pacifico mao ang tag-iya sa daghang construction companies nga nakadaug og bilyones pisos nga kantidad sa mga government projects tali sa 2022 hangtod 2025, base sa website nga “Sumbong sa Pangulo.”
