BUTUAN CITY – Napusilan-patay ang usa ka pulis samtang naghimo kini sa iyang trabaho pasado alas 9:00 kagabii sa may Purok 6, Brgy. Ampayon, Butuan City.
Naila ang biktima nga si Police Corporal Ianklein Niepes Plaza, nadestino sa Regional Special Operations Unit 13.
Sa impormasyong nakuha gikan sa Butuan City Police Station-4, naglusad og anti-illegal firearm operation ang biktima kauban si Police Staff Master sergeant Teodoro Clemm Boquilon Paredes, Jr. batuk sa suspect nga si Mark Tapic, legal ang pangedaron nga residente sa Barangay Ampayon, Butuan City.
Atol sa maong operasyon og pag-aresto unta sa suspek, nakahimo ang suspek sa pag-ilog sa armas sa biktima og gipusil ang biktima sa makaduha ka higayon nga miigo sa iyang walang abaga og tuo nga bukton.
Gelayong misibat ang suspek human sa insidente samtang ang biktima daling gidala sa MJ Santos Hospital apan gideklara kining dead on arrival sa attending physician nga si Dr. Miranda Bollozos.
Sa karun mihimo na og hot pursuit operation aron masikop ang suspetsado.
