BUTUAN CITY- Padayon nga minghuyang ang piso batok sa dolyar human matala kagahapong adlawa Marso 12, 2026 ang balor sa P59.38 matag US dollar, usa sa pinakaluya nga level karung tuiga.
Sumala sa taho sa mga bangko ug financial monitoring firms, nagpabiling kusog ang demand alang sa dolyar nunot sa lig-on nga ekonomiya sa Estados Unidos ug mas-taas nga interes sa ilang merkado.
Sa Pilipinas, ang paghuyang sa piso tungod sa pagsaka sa preso sa mga imported nga produkto, partikular na ang lana, kansa direkta nga naka-apekto sa pamasahe ug palaliton.
Base sa datos, ang dolyar ming-abot na sa pinakataas nga P59.50 niadtong Enero 14 ug ming-ubos sa P57.53 niadtong Pebrero 25, adiser subli nga mingkusog karung buwana Marso.
Ang average exchange rate karung tuiga anaa sa P58.71, diin nagpakita og 0.86% nga pag-usbaw kumpara sa ming-aging tuig.
Samtang, nakaphimulos ang mga pamilyang mingdawat og remittances gikan sa mga overseas Filipino workers (OFWs) tungod mas dako ang balor sa dolyar sa piso.
Bisan paman, alang sa mga lokal konsyumer, nabati ang dugang nga palas-anon sa matag-adlaw nga galastohon.
Padayon usab nga gibantayan sa Bangko Sentral ng Pilipinas (BSP) ang sitwasyon ug mipagawas og Daily Reference Exchange Rate Bulletin aron magiyahan ang merkado ug mga institusyong pinansyal.
