BUTUAN CITY – Padayon ang mga kalihukang gihimo sa Bangko Sentral ng Pilipinas kon BSP-Butuan branch subay sa ilang ika-26 nga anibersaryo kansa ika-70 ka tuig usab nila sa central banking apil na niini ang tulo ka tuig nga pagtunhay sa Central Bank of the Philippines adiser gihulipan sa BSP.
Sigon ni Rose Quijada – information officer sa BSP-Butuan, bisan og niadto rang Hulyo 3 ang ilang anibersaryo, apan padayon gihapon ang ilang mga kalihukang gihan-ay ilabina sa ilang corporate social responsibility. Subay niini, nanghatag na sila og mga school supplies ingon man lamisa og lingkuranan ngadto sa Anticala Elementary School ning siyudad sa Butuan isip ilang partner school tungod sa kakulang sa ilang mga gamit.
Nanghatag na usab sila og hygiene kit ngadto sa mga magtutungha gawas pa sa financial literacy lectures nga ilang gipahigayon ngadto sa mga benepisyaryo sa National Housing Authority kon NHA.
Highlight sa ilang kalihukan ang pagpahigayon og Piso Caravan kagahapong adlawa sa merkado publiko sa San Jose, Dinagat Islands sa Surigao del Norte subay sa ilang tinguha nga mga bag-ong kwarta na ang gamiton sa mga transaksyon.
Giklaro pa ni Quijada nga bugti sa pag-ilis nila sa mga karaang kwarta ang pahimangno nga ampingan kini aron dili mapilo, magisi, magunting, og uban pang buhat nga makadaot sa dagway sa kwarta ilabina sa papel.
Panapos pa niini nga ang pagdaut sa gi-ilang national symbol usab sa nasud, duna’y bugti nga silot nga lima ka tuig nga pagkabilanggo og multa nga 20-mil pesos.
