Panda sa usa ka zoo sa China, nasakpang iro ra diay nga chow-chow

BUTUAN CITY – Gihimong atraksyon sa usa ka zoo sa China ang daw mga mini panda nga sa kadugayan, nadeskobrehan sa mga tawo nga mga iro ra diay nga chow chow nga gikoloran lang aron masusama ang ilang hitsura s panda.

Gi-angkon sa mga zoo keepers nga wala sila nakakuha og permit aron mag-buhi og mga panda rason nga naghimo na lang sila og pamaagi aron makapakita sila og panda ngadto sa ilang mga bisita.

Kahibaloan nga dili tanan nga zoo sa China ang mamhimong makabuhi og mga Panda tungod kay gi-isip man nila ang maong mga hayop nga national treasure, ug kung duna man ganing makabuhi niini ng zoo, kinahanglan una nga musunod sa bug-at nga mga balaod og mga patakaran aron maprotektahan ang maong mga hayop.