BUTUAN CITY – Hugot nga gibabagan sa Israel ang mga Palestino nga makasulod sa Al-Aqsa Mosque compound sa gi-ukupahan nilang East Jerusalem alang sa unang Friday prayers sa Ramadan, kondiin gatusan ang naglinya sa Qalandiya checkpoint duol sa Ramallah kinsa naghuwat ug nangindahay nga pasudlon.
Apan gipadayag sa Israeli authorities nga mukabat lang sa 10,000 ka mga Palestino gikan sa gi-ukupahan nilang West Bank ang pasudlon sa usa sa pinakabalaang mga lugar sa Islam, sulod lang sa usa ka adlaw ug duna pa’y permits.
Bugtong ang mga bata lang nga nag-edad og 12-anyos, mga lalaking kapin na sa 55-anyos ug mga babayeng nag-edad og 50-anyos pataas ang ilang gitugutan.
Gipatuman ang bag-ong restrictions samtang gipadayag sa mga Palestinian authorities, rights groups ug sa United Nations ang delikadong pagsaka sa kagubot nga gihimo sa mga illegal settlers sa West Bank ug sa East Jerusalem, kansa gi-characterize pinaagi sa lapad nga paggamit sa mga buhing bala, direktang pagpamusil ngadto sa mga Palestino ingon man ang pagsunog sa ilang kabalayan ug pag-ilog sa ilang kayutaan.
