BUTUAN CITY – Gipasidan-an sa Bureau of Internal Revenue kon BIR ang publiko sa paggamit og pekeng PWD ID para maka- discount sa pagbayad og buhis.
Sigon ni BIR Commissioner Romeo Lumagui Jr., mohimo og halapad nga crackdown ang Bureau of Internal Revenue (BIR) batuk sa mga nagbaligya og migamit sa pekeng person with disability identification cards.
Sumala pa ni Lumagui nga muabot na sa 88 bilyones pesos nga buhis ang nawala niadtong 2023 tungod sa tax evasion sa mga migamit og pekeng PWD IDs.
Ang mga niini nakakuha og 20 porsyentong discount ug wala gipabayad sa value added tax sa mga piniling goods ug services.
Pagbutyag sa opisyal ang mga tawong nagbaligya og migamit sa pekeng PWD IDs wala lang nakakomitar sa tax evasion, kundi wala usab kini nag-respetu sa lehitimong PWDs.
