BUTUAN CITY – Gipasakaan na og tukmang kaso ang usa ka magtutudlo human kini nakuhaan og illegal nga drogas atol sa implementasyon sa search warrant kagahapon sa udto sa pinuy-anan niini sa Purok-2, Barangay Rojales, lungsod sa Carmen, Agusan Del Norte.
Naila ang suspetsado nga si Ornille Rojales Natonton, miyembro sa LGBT, 42-anyos ug kasamtangan nga nagtudlo sa Carmen National High School.
Sa gilusad nga illegal drug operation sa Carmen Municipal Police Station, nakuhaan ang suspek og 4 ka sachet nga dunay sulod sa gitoohang shabu og mga illegal drug paraphernalia.
Base sa pamahayag sa kapulisan, namonitor nilang mogamit og namaligya usab sa ginadiling drogas ang maong suspek kansa kanhe nang na-rehab.
Aminado matud pa ang suspek nga iyaha ang nakuhang mga illegal drugs. Sa karun, gikustudiya na sa Carmen Municipal Police Station ang suspek alang sa tukmang disposasyon.
