BUTUAN CITY- Lauman na usab sunod simana ang laing pagsaka sa presyo sa mga produktong petrolyo, sumala sa Department of Energy kon DOE kagahapon Huwebes, Marso 12.
Kini taliwala sa padayon nga walay kasiguradohan sa pangkalibotanong merkado nunot sa pag-atang sa Iran sa pipila ka parte sa Strait of Hormuz, kansa kritikal nga agihanan alang sa one-fifth nga suplay sa lana sa tibuok kalibotan.
Sumala ni Energy Secretary Sharon Garin, posible nga adua gihapoy pagsaka sa presyo sa mga produktong petrolyo tungod wala pa gihapon ming kalasa karon ang presyo sa lana sa pangkalibutangong merkado. Ang gi-laomang oil price hike nunot gihapon sa kagubot sa Middle East.
Bisan paman gisiguro sa secretary nga adunya igo nga suplay ang nasud nga mo-abot og hangtod 50 ka ug ang nag-unang isyu lang matud pa mao ang presyo sa petroleum products.
Sigon pa niini, nga gimando-an na sa gobyerno ang mga kompaniya sa lana nga ipadayon ang pag-order sa mga produktong petrolyotalwiala sa pasaka sa presyo niini, ug nakig-estorya na usab matud pa sila sa ubang nasid sa Asya aron siguraduhon nga dili mahurot ang supply sa Pilipinas.
Gisiguro usab nii Sec. Garin nga adunay option option o alternatibong makuhan og suplay sa lana ang nasud.
Dungan niini, gi-awhag sa Secretary nag publiko nga magpabiling magdaginot sa paggamit sa kuryente aron mabalanse ang demand sa mga produktong petrolyo ug gipasidan-an usab ang publiko nga dili magpundo og mga produktong petrolyo sa panimalay tungod dili kini luwas.
Sa kampo sa gobyerno, una na nga gimando ni President Ferdinand Marcos Jr. sa mga ahensiya nga i-adopt ang four-day work week aron makuhaan ang pagkonsumo ug gastos sa kuryente ug lana.
