BUTUAN CITY – Laumang ihikling na sa mga mosunod nga semana ang 30 ngadto sa 50 ka mga batang Palestinian nga dunay grabeng sakit o samad, gikan sa Gaza ngadto sa United Kingdom (UK) alang sa atensyong medikal.
Kini na ang pinakaunang higayon nga magdala ang UK og mga bata gikan sa Gaza sa ilahang nasod ilawom sa opisyal nga operasyon, sa koordinasyon sa Foreign Office, Home Office, ug Department of Health. Sayrang anaa na sa World Health Organization (WHO) ang desisyon o ang pagpili sa mga dalhong bata, ubanan usab ang maong mga bata sa parente o ginikanan niini arun dunay mo alalay, diin himoon usab ang biometric screening.
Ang maong lakang kay himoon human sa panawagan sa 96 ka mga miyembro sa parliament gikan sa nagkalainlaing partido sa maong nasod, nga tabangan ang mga bata nga nanginahanglan og medikal nga atensyon human nga halos mahugno na ang sestima sa panglawas sa Gaza. Una nang dunay mga bata nga gidala sa UK gikan sa Gaza, apan pinaagi sa pribadong sektor, apan kini nga lakang ang pinaka una sa sapangmahanan sa UK.
Wala pa usay gipagawas nga impormasyon kung unsa nga nasod ang mamahimong transit point, o pila ka mga bata ang dalhon sa UK. Tungod kay lisod man nga mobalik sa Gaza, posible matud pang mopailawom una sa assylum system ang maong mga bata human sa pagtambal kanila.
