BUTUAN CITY – Mihunos sa usa ka kinabuhi sa drayber sa pampasaheroang multicab ang natigayong disgrasya bandang alas 7:10 kagabii sa may Barangay Sumilihon, ning siyudad sa Butuan.
Naila ang maong biktima nga si Arnulfo Delicano, 65-anyos, menyu nga taga Barangay Marcos, Magallanes, Agusan Del Norte.
Base sa impormasyong nakuha ning sibyahan, pauli na unta ang biktima sakay sa pampasaheroang multicab nga R-2 sa dihang nadumbulan niini ang payloader nga gipanag-iyahan sa usa ka pribadong kompanya nga gimanehoan ni Johnny Felias, 54-anyos, menyu, nga taga Purok-8, Barangay Kinabjangan, Agusan Del Norte.
Saysay pa ni Johnny Felias, naghunong siya niadtong tungura diin nakasignal paliko, pawala padulong sa bodega diin niya iparada ang sakyanan sa dihang kalit lang nga dunay nipaka sa likod sa payloader.
Sa iyang pagkanaog, didto na niya nakita ang multicab nga perteng gubaa ang unahan nga parte diin naipit ang drayber.
