BUTUAN CITY – Gi-isa karon sa storm signal No. 1 tungod sa bagyong Tino ang Dinagat Islands province, Siargao Island, ug Bucas Grande Islands sa Surigao del Norte apil na ang Eastern Samar.
Kini human misulod sa Philippine Area of Responsibility (PAR) ang maong bagyo nga duna’y international name nga Kalmaegi hinungdan nga gipataas na usab sa Tropical Cyclone Wind Signal (TCWS) No. 1 ang pipila ka bahin sa Eastern Visayas.
Sa latest weather bulletin sa Philippine Atmospheric, Geophysical and Astronomical Services Administration kon PAGASA, ang sentro sa bagyong Tino, gibana-banang anaa sa gilay-ong 815-km sa sidlakan sa Eastern Visayas (11.3°N, 133.2°E), dala ang kusog nga hanging mu-abot sda 95 km/h duol sa sentro ug buylong mu-abot sa 115 km/h ug naga-itog pakasadpan amihanang kasadpan sa kusog nga 30 km/h.
Samtang shearline usab ang maka-apekto sa sidlakang bahin sa Northern Luzon ug Northeast Monsoon ang maka-apekto sa ubang bahin sa Northern Luzon.
