BUTUAN CITY – Laumang magamit na ning tuiga ang Ampayon-Butuan Super Health Center nga nahimutang sa Barangay Ampayon ning siyudad sa Butuan.
Kini human gi-inagurahan sa nakalabay nga adlaw diin personal nga mibisita si Senator Christopher Lawrence “Bong” Go.
Ang nahimong Ribbon- cutting og Blessing Ceremony ang gipangunahan ni Hon. Eduardo S. Gonzalez, Chairperson sa Committee on Health and Sanitation sa siyudad sa Butuan kauban sila Dr. Deandra Angelica Gil Pahate, Dr. Airish Guia Magtibay, Dr. Hendry Plaza – Acting Department Head sa City Health Office og Regional Director sa DOH Caraga nga si Dr. Cesar C. Cassion.
Nasayran nga gisugdan sa pagtukod ang Ampayon Super Health Center niadtong bulan sa Nobyembre sa miaging tuig.
Magsilbi ang Super Health Center nga medium type nga Polyclinic diin aduna nay Birthing, Dental, ug Laboratories. Lakip sa serbisyung mahatag sa Ampayon Super Health Center ang primary care, consultation, early detection sa sakit, diagnostic services sama sa x-rays og ultrasounds, specialized services sama sa Eye, Ear, nose, and Throat kon EENT service, oncology centers, physical therapy, og telemedicine.
Pinaagi niini makunhoran ang ihap sa mga pasyente sa hospital tungod kay ma-cater na sa Super Health Center ang mga minor cases.
Gikalipay usab sa Lokal nga Panggamhanan sa Butuan sa pagpanguna ni Butuan City Mayor Ronnie Vicente Lagnada ang gihatag nga ekipo ilawom sa Department of Health ngadto na sa Super Health Center.
