-- ADVERTISEMENT --
BUTUAN CITY – Natala sa Caraga Region ang pinakataas nga death toll tungod sa COVID-19 human nga natala karong adlawa ang pito ka mga bag-ong patay samtang 177 ang mga bag-ong kaso kondiin 173 ang naka-isolate ug 43 ang mga bag-ong nakarekober.
Tungod niini, mi-abot na sa 13,240 ang cumulative COVID-19 cases ning rehiyon kondiin 2,270 kanila ang naka-isolate; 10,551 ang nakarekober ug 419 na ang kinatibuk-ang patay.
Sa mga bag-ong kaso, pinakadaghan ang natala sa Agusan del Sur nga mi-abot sa 60; Butuan City-47; Surigao del Sur-36; Agusan del Norte-11; Surigao City-7; Tandag City-5, tag-upat sa Bayugan City ug Surigao del Norte, Dinagat Islands-2 ug usa sa Cabadbaran City.
