BUTUAN CITY – Ningkabatg sa 46% sa mga pamilyang Pilipino sa tibuok Pilipinas, kon bugti sa 12.9 milyones ka pamilya ang ning angkon nga kabahin sila sa kabus nga sektor.
Kini ang nigawas sa 1st quarter 2024 survey nga gihimo niadtong Marso sa Social Weather Stations kon SWS Survey.
Nasayran nga sa 12.9 milyunes ka pamilya, 1.7 milyunes niini ang nasutang newly poor; 1.5 ka milyunes ang usually poor; ug 9.7 milyunes usab ang nag-ingon nga sila pobre na gayud sa kanunay.
Gipadayag usab sa survey nga 30% sa mga pamilyang Pilipino ang nag-ingon nga anaa sila sa borderline poor category samtang 23% lamang ang ning angkon nga dili sila kabus.
Natala ang pinakataas nga self-rated poverty sa Visayas kansa adunay 64%, gisundan sa Mindanao nga adunay 56% samtang sa Luzon 38%, ug sa Metro Manila nga anaa sa 33%.
Nakuha usab sa Visayas ang pinakataas nga porsyento sa mga pamilya nga gikonsiderar nga kabus base sa pagkaon nga ilang gikaon o gitawag nga food-poor families.
Mitala ang maong lugar og 46% samtang ang Mindanao nitala og 44%. 28% sa mga pamilya sa Metro Manila nagkonsiderar usab sa ilang kaugalingon nga kabus sa pagkaon samtang 24% sa Luzon.
Ang maong resulta, dili ra layo sa natala niadtung Desyembre sa naka labayng tuig diin 47% sa mga pamilyang Pilipino ang ning tug-an nga sila kabus.
